Məktəb direktorunun müavini dərsdə keçindi 16:46 13-03-2010
Hadisə Sumqayıt şəhərində baş verib
Sumqayıtda məcburi köçkünlərin təhsil aldığı orta məktəbdə ölüm hadisəsi baş verib. Bu barədə APA-ya Sumqayıt şəhər Polis İdarəsindən məlumat verilib.
Hadisə Qubadlı rayon orta məktəbində qeydə alınıb. Məktəbin direktor müavini Famil Məmmədov dərsdə qəflətən keçinib. Hadisə barədə polisə məlumat daxil olan kimi dərhal məktəbə əməliyyat qrupu gəlib. Mərhumun meyiti müayinə olunmaq üçün ekspertizaya göndərilib. Onun ölümünün səbəbləri tibbi ekspertizanın rəyindən sonra məlum olacaq.
Faktla bağlı Sumqayıt şəhər Prokurorluğu tərəfindən araşdırma aparılır.