"Qarabağ hekayələri" özbək dilində nəşr olundu
13 avqust 2020 10:32 (UTC +04:00)

"Qarabağ hekayələri" özbək dilində nəşr olundu

“Qarabağ hekayələri” silsiləsindən “İtirdiyim xoşbəxtlik” adlı antologiya toplusu özbək dilində işıq üzü görüb.

Lent.az-ın xəbərinə görə, müxtəlif müəlliflərin əsərlərinin yer aldığı topluya “Ön söz”ü Milli Məclisin Mədəniyyət komitəsinin sədri Qənirə Paşayeva yazıb. Görkəmli özbək professoru, türkoloq Babaxan Şərif kitaba yazdığı təqdimatda Azərbaycan həqiqətləri və onların bədii əsərlərdə inikası, habelə iki qardaş ölkənin sarsılmaz dostluğundan ədəbiyyatın mühüm rolu barədə fikirlərini bölüşüb. Kitabı özbək dilinə gənc şair-tərcüməçi, Dünya Gənc Türk Yazarlar Birliyinin üzvü Şahistə Artukova çevirib.

Antologiyanın redaksiya heyətinin üzvləri arasında ziyalılarla yanaşı, Azərbaycanın Özbəkistandakı səfiri Hüseyn Quliyev, Daşkənddəki Heydər Əliyev adına Azərbaycan Mədəniyyət Mərkəzinin direktoru Samir Abbasov, Azərbaycanda Atatürk Mərkəzinin şöbə müdiri Əkbər Qoşalı, “Regional Hüquqi və İqtisadi Maarifləndirmə” İctimai Birliyinin sədri Arzu Bağırova, Əməkdar incəsənət xadimi Elçin Hüseynbəyli, eləcə də imzası azərbaycanlı oxuculara da yaxsı tanış olan “Kitab dünyası” qəzetinin baş redaktoru Xasiyyət Rüstəm (Özbəkistan), tanınmış yazıçı- tərcüməçi İmdat Avşar (Türkiyə) yer alıblar. Gələcəkdə ikinci cildinin də nəşri planlaşdırılan kitab geniş oxucu kütləsi üçün nəzərdə tutulub.

# 2203
avatar

Oxşar yazılar