“Surroqat ana”nın körpəsini satmaq istəyənlər tutulub

Keçən il Azərbaycanda “surroqat ana” (öz uşaqlığında donor embrionu daşıyan qadın) tərəfindən dünyaya gətirilmiş körpənin satmaq məqsədilə Rusiya Federasiyasına aparılmasının qarşısı alınıb. Lent.az-ın xəbərinə görə, bu barədə Azərbaycan Nazirlər Kabinetinin 2009-cu il fəaliyyəti haqqında olan hesabatında bildirilib.

Hesabatda həmçinin, qeyri-qanuni miqrasiya, insan alveri, saxta sənədlərin hazırlanması və istifadə olunmasına qarşı mübarizə sahəsində aparılan işlərlə bağlı da məlumatlar yer alıb.

Belə ki, Azərbaycan vətəndaşları olan qadınların cinsi istismar məqsədilə Türkiyəyə və Birləşmiş Ərəb Əmirliklərinə (Dubaya) göndərilməsilə məşğul olan cinayətkar dəstələrin fəaliyyətinin, müxtəlif saxtakarlıq hallarının qarşısı alınıb, 12 nəfər Azərbaycan, 1 nəfər Türkiyə və 3 nəfər Özbəkistan vətəndaşı saxlanılıb, faktlar üzrə 11 cinayət işi başlayıb.

Pərvin ABBASOV