Bakıda restoran və klubda oğurluq hadisəsi olub.
Daxili İşlər Nazirliyindən Lent.az-a verilən xəbərə görə, Səbail rayonu ərazisində bir restoranda və bir klubda 2 nəfərin mobil telefonları oğurlanıb.
Səbail rayon Polis İdarəsinin 9-cu Polis Bölməsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində oğurluqda şübhəli bilinən, Cinayət Məcəlləsinin 177-ci (Oğurluq) maddəsi ilə də axtarışda olan Bakı şəhər sakini A.Baxışov saxlanılıb.