Balakəndə evi  İLDIRIM VURDU
23 iyun 2022 00:14 (UTC +04:00)

Balakəndə evi İLDIRIM VURDU

Balakəndə fərdi yaşayış evini ildırım vurub.

Lent.az APA-nın şimal-qərb bürosuna istinadən xəbər verir ki, ötən gün axşam saat 22 radələrində rayonun Katex kəndində, kənd sakini Məmmədvəli Əsəbəli oğlu Kərimova məxsus, ümumi sahəsi 156 kvadratmetr olan, kürsülü birmərtəbəli evdə yanğın baş verib.

Yanğının söndürülməsi üçün əraziyə Fövqaladə Hallar Nazirliyinin (FHN) Balakən Rayon Dövlət yanğından Mühafizə Hissəsinin texnikaları və şəxsi heyətləri cəlb edilib.

Yanğın nəticəsində evin dam örtüyünün yanar konstruksiyaları, iki otaq əşyaları ilə birilikdə tam yanıb. 

Otaqlar və aynəbədin yanar konstruksiyaları və içərisində olan əşyalar qismən yanıb. 

Yanğın zamanı xəsarət alan olmayıb. 

Faktla bağlı araşdırma aparılır.
 

# 2463
avatar

Oxşar yazılar