Başqa ölkədən sevgilisini dəvət etdi: Öldürüb doğradı

Peruda Meksikadan olan sevgilisini qonaq dəvət edən, onu öldürən və doğrayan şəxs tutulub.

Lent.az-ın xarici mediaya istinadla xəbərinə görə, 51 yaşlı Blanka Arellano 37 yaşlı Xuan Pablo Jesus Villafuerte ilə internetdə tanış olub.

Qadın ciddi münasibət üçün kişi axtarıb və perulu ona layiqli biri kimi görünüb. Onlar bir neçə ay danışıblar və oktyabrın sonunda Villafuerte meksikalını şəxsən görüşmək üçün Limadakı yerinə dəvət edib. Qadın oktyabrın 31-də həmin ölkəyə uçub.

Əvvəlcə Arellano qohumlarına həqiqətən aşiq olduğunu və social şəbəkədə tanış olduğu sevgilisi ilə münasibətlərinin nəzərəçarpacaq dərəcədə inkişaf etdiyini yazıb. Lakin noyabrın 7-dən sonra qohumları ondan xəbər almağı dayandırıb. Meksikalının qardaşı qızı Karla Villafuerte ilə əlaqə saxlayıb və xalasının yaxşı olub-olmadığını soruşub.

Kişi Arellano "arzuladığı həyatı təmin edə bilməyəcəyinə" qərar verdiyi üçün ayrıldıqlarını söyləyib. O, qadının getdiyini və yəqin ki, vətəninə qayıtmağa çalışdığını da deyib.

“Ümid edirəm ki, o, yaxşıdır, amma mənim edə biləcəyim başqa bir şey yoxdur. Bunu kədərlə deyirəm. Əminəm ki, onun telefonu xarab olub və ya batareyası bitib”, - onun mesajında deyilir.

İtkin düşən qadının yaxınları Peru polisinə müraciət edib, polis dərhal axtarışa başlayıb. Noyabrın 10-da Limadan 150 kilometr şimalda yerləşən Uaço çimərliyində yastığı kəsilmiş barmaq tapılıb. Barmağında gümüş üzük də olub. Daha sonra eybəcərləşmiş baş və qadın gövdəsi eyni ərazidə tapılıb, məlum olub ki, bütün daxili orqanları çıxarılıb.

Mərhumun barmağında tapılan üzüyün Arellanoya məxsus olduğu məlum olub. Qadının internetdə tanış olduğu keçmiş sevgilisi noyabrın 17-də saxlanılıb. “Xuan Pablo Villafuerte insan orqanlarının alveri ittihamı ilə həbs edilib", - Perunun baş prokuroru yerli mediaya müsahibəsində deyib.

Sonradan məlum olub ki, Villafuerte həkim olmaq üçün təhsil alır. O, TikTok səhifəsində Arellano yoxa çıxdıqdan sonra bir neçə gün ərzində insan orqanları ilə videolar yayımlayıb. Polis onun mənzilində qan izləri də aşkar edib.