Xocalıda avtomobil mal-qaranı vurub.
Lent.az xəbər verir ki, hadisə Əsgəran qəsəbəsində qeydə alınıb.
Şirkətlərdən birinə məxsus olan “Hyundai Matrix” avtomobili qəsəbə ərazisində hərəkətdə olarkən 1 ədəd inəyi vurub. Nəticədə minik vasitəsinə 3545 manat ziyan dəyib. Faktla bağlı mal-qaranın nəzarətsiz qoyan 34 yaşlı şəxs barəsində müvafiq protokol tərtib olunub.
Həmin şəxsin sözlərinə görə, hadisə olan günü 5 ədəd mal-qarasını dağlıq əraziyə otlamağa buraxıb. Sonradan heyvanları yoxa çıxıb və xeyli axtarsa da, birini tapa bilməyib. Gecə saat 22 radələrində ona heyvanlardan birinin avtomobillə vurulması deyilib. O, heyvanları nəzarətsiz qoyduğu üçün peşman olduğunu deyərək, barəsində yüngül cəza verilməsini istəyib.
Məhkəmənin qərarı ilə o, 100 manat məbləğində inzibati qaydada cərimələnib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
