Gimnastlarımız dünya çempionatında 2 medal qazandı

Yaponiyanın Mie şəhərində keçirilən bədii gimnastika üzrə dünya çempionatında Azərbaycan təmsilçisi Aliyə Qarayeva gümüş medal qazanıb.

Lent.az-ın məlumatına görə, 21 yaşlı gimnastımız bu uğura topla hərəkətlərdə imza atıb.

27,325 xal toplayan Qarayeva yalnız rusiyalı olimpiya çempionu Yevgeniya Kanayevadan geri qalıb. Kanayevanın çıxışı 28,575 xalla qiymətləndirilib. Bürünc medala isə 27,250 xalla ukraynalı Anna Bessonova (Ukrayna) sahib olub.

Komanda birinciliyində isə tərkibi Aliyə Qarayeva, Anna Qurbanova, Zeynəb Cavadlı və Samirə Mustafayevadan ibarət Azərbaycan millisi bürünc medal qazanıb. Yığmamız Rusiya və Belarusdan geri qalıb.

Sabah keçiriləcək çoxnövçülük üzrə final yarışlarının final mərhələsində gimnastlarımız Aliyə Qarayeva və Anna Qurbanova mübarizə aparacaqlar. 12-13 sentyabrda isə qrup hərəkətləri üzrə komandamız çıxış edəcək.