Astrada kişi arvadını döyüb.
Lent.az-ın xəbərinə görə, hadisə rayonun kəndlərindən birində baş verib.
64 yaşlı Akif Rzayev (şərti adla) yaşadıqları evdə arvadını döyərək xəsarət yetirib. Zərərçəkənin şikayəti əsasında o, polis əməkdaşları tərəfindən saxlanılıb və barəsində müvafiq maddə ilə protokol tərtib olunub.
Akif Rzayev əvvəlcə deyib ki, arvadı xəstə olduğu üçün özünü yaxşı hiss etmir və ona heç bir xəsarət yetirməyib. Amma o, sonradan əməlindən peşman olduğunu deyərək, barəsində yüngül cəza verilməsini istəyib.
Zərərçəkən qadın isə bildirib ki, Akif onun üçüncü həyat yoldaşıdır. Qeyri-rəsmi olaraq bir yerdə yaşayırlar və 9 yaşlı övladları var. Qadının sözlərinə görə, spirtli içki (araq) almaq üçün pul vermədiyi üçün əri tərəfindən baltanın sapı ilə döyülüb. Tez-tez aralarında belə mübahisələr olur. Zərərçəkən artıq ərinin evə gəlməyini istəmədiyini deyərək, onun cəzalandırılmasını istəyib.
Məhkəmənin qərarı ilə Akif Rzayev 20 gün müddətinə inzibati qaydada həbs olunub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
