Aktrisanın çıxışını onlar da tənqid etdi - QALMAQAL

Ötən həftə Türkiyədə keçirilən 48-ci “Pantene Altın Kelebek” mükafatlandırma mərasimi bitdi, ancaq söz-söhbət bitmədi. Mükafat alan və almayan məşhur simaların çıxışları, geyimləri, hətta qatılmayanlar da sosial şəbəkənin müzakirə etdiyi mövzular arasındadır. “Ən yaxşı qadın aktrisa” mükafatına layiq görülən Pınar Deniz də linç olunanlardan biridir.

Lent.az xəbər verir ki, Pınarın mərasimdəki çıxışı “Twitter”də lağ yerinə çevrilib desək, yanılmarıq:

“Uşaqlıqda duyğulardan çox qorxardım. Çünki büruzə verə bildiyim tək duyğu qəzəb idi. Hər halda başqa bir duyğu ilə tanış olmadığım üçün belə idi. Sonra bir film izlədim. İzlədiyim filmdə pula görə uşaqları öldürürdülər və bundan çox təsirləndim, səhərə kimi ağladım. Bir gün dostlarıma dedim ki, bu dünyanı xilas etmək istəyirəm, insanlara kömək etməli və onlara toxunmalıyam. Tam olaraq bu duyğular məni aktrisa etdi”.

Bu fikirlərə sosial şəbəkə istifadəçilərindən birinin “Bu videodan sonra qadını “Google”da bir axtarışa verdim. Söz açdığı film “Qanlı almaz” imiş. Uşaqların almaz üçün həyatlarını itirmələrini görüb filmdə. Yaxşı, bəs Pınar Deniz məşhur olanda nə edib, bilirsiniz? Bir mücəvhər markasının üzü olaraq “Kann” film festivalına qatılıb”, - deyə, paylaşımını aktrisa Burcu Özberk bəyənib.

Daha sonra aktrisa Farah Zeynep Abdullahın Pınarla bağlı başqa bir tənqidi paylaşımı bəyənməsi də diqqətdən yayınmayıb. Bundan əlavə, müğənni Haluk Levent sosial şəbəkələrdə tənqid olunan aktrisanı müdafiə edərək, onun çıxışına dəstəkverici tvit paylaşıb.

Qeyd edək ki, Pınar Deniz “Aşk 101” serialında müəllimə, “Yargı” serialında “Ceylin” obrazlarını canlandırıb.