Aparıcı Rövşanədən əməkdar artistə SƏRT CAVAB
29 mart 2023 11:40 (UTC +04:00)

Aparıcı Rövşanədən əməkdar artistə SƏRT CAVAB

Aparıcı Rövşanə Ağasəfqızı Əməkdar artist Nigar Şabanovanın onun ünvanına dediyi sözlərə cavab verib. 

Lent.az xəbər verir ki, Rövşanə aparıcısı olduğu "Space səhər" verilişində bunu önəmli hadisə hesab etmədiyini deyib:

"Adi bir söhbət idi. Hər bir insanın fikrini söyləməsi normaldır. Jurnalistin də sual vermək hüququ var. Buna görə onu kimsə qınaya bilməz. Mən sual verirəm, qarşımdakının da susmaq hüququn var. Efirdə müxtəlif mübahisə yaşana bilər. Hər bir insanın fikrinə hörmət edən birisiyəm. Efirdə baş verən hadisə, qarşılıqlı fikir mübadiləsinə efirdən sonra reaksiya vermirəm. Efirdə baş verdi və bitdi".

Onun sözlərinə görə, zəng edib açıqlama istəyiblər:

"Zəng edib açıqlama istəyirlər, deyirəm, nə böyük hadisədir? Bundan sorna gündəmə gəlmək üçün çalışanlar, sizə cavab vermək istəmirəm. Cavab vermək həvəsim yoxdur. Jurnalistəm, toy aparıcısı, müğənni deyiləm.

Jurnalistikanı bitirmişəm, universitetdə dərs demişəm, sizinlə bölüşəcək bir şeyim yoxdur: nə xınayaxdı, nə ər, nə kişi bölüşəcək deyiləm. Sizi öpürəm, bağrıma basıram. Mənim verilişimdən istifadə edib gündəm olursunuzsa, halal edirəm. Allah bazarınızı bol etsin".

# 3936
avatar

Oxşar yazılar