Məşhur aktrisa otel əvəzinə bunu seçdi - FOTO

"Masumlar apartmanı" serialının "Safiye"si, Türkiyənin ən populyar aktrisalarından biri Ezgi Mola sevgilisilə tətilə çıxıb.

Lent.az-ın məlumatına görə, avtofurqanla Türkiyənin Çeşme bölgəsinə baş çəkən cütlük jurnalistlərlə qaşılaşıb. Ezgi Mola niyə otel əvəzinə avtofurqan seçməyinə aydınlıq gətirib:

"1 ildir xəyalını qururdum ki, avtofurqanla səyahətə çıxım. Yaxşı ki, bunu satan adam qarşıma çıxdı. Dedi ki, almamışdan öncə yoxla, sür, sonra alarsan. Mənə də sərf etdi. Yəni hələ almamışam. İçini və çölünü öz zövqümə uyğun dizayn etdim. Məncə, bununla gəzmək çox əyləncəlidir. Hara istəyirik, gedirik, gəzirik".

O, qeyd edib ki, sevgilisinin işlərinin çoxluğundan vaxt tapan kimi avtofurqanla gəzməyə gedəcəklər:

"Onu evdə belə çox az görə bilirəm. Çoxdandır istirahət edə bilmirdik. İşləri çoxdur deyə həftədə 3-4 dəfə baş-başa tətil edəcəyik. Bu, ikimiz üçün də lazımdır".

Qeyd edək ki, 37 yaşlı aktrisa Ezgi Mola sevgilisi Mustafa Aksakallı ilə 3 ildir münasibətdədir.