Reyhan çayının faydaları nələrdir? - CAVAB
21 iyul 2022 09:09 (UTC +04:00)

Reyhan çayının faydaları nələrdir? - CAVAB

Lent.az-ın “Bir sual, bir cavab” rubrikasında bugünki mövzu reyhan çayının faydaları ilə bağlıdır. 

Bilirik ki, reyhandan qida sənayesində geniş istifadə edilir. Ondan müxtəlif içkilərin və sousların hazırlanmasında, sabun və şampunların düzəldilməsində istifadə edilir. 

Reyhan çayı K və A vitaminləri ilə zəngindir. 2 xorək qaşığı reyhanla dəmlənmiş çay orqanizmin A vitamininə olan ehtiyacının 6%-ini, K vitamininə olan ehtiyacının 27%-ini ödəyir.

Bundan əlavə mədədə olan narahatçılıq hissini aradan qaldırır, dəri xəstəliklərinin müalicəsində faydası böyükdür. Hindistanda fitoterapiya sənayesində astma və diabet xəstəliklərinin müalicəsi üçün tədarük edilir.

Bəs, reyhan çayının və şərbətinin əsas faydaları nələrdir?

Lent.az onları təqdim edir:

- antioksidantdır

- mədə ağrısını sakitləşdirir

- həzm sistemini normallaşdırır

- ağız yaraları zamanı istifadə edilir


Reyhan çayı necə dəmlənir?

Reyhan çayı dəmləmək üçün reyhanın həm qurusundan, həm də təzə reyhanın yarpaqlarından istifadə edilir.

Təzə reyhandan çay dəmlənən zaman 250 ml qynar suya 2 xörək qaşığı xırda doğranmış reyhan əlavə edilib, 4-5 dəqiqə sonra süzülüb içilir.

Qurudulmuş reyhanı dəmləyən zaman isə 4 çay qaşığı quru reyhan 250 ml qaynar suya əlavə edilib 10 dəqiqə dəmlənməlidir.

# 8064
avatar

Oxşar yazılar