Doğum cədvəlinin hesablanması

Bu gün gündəlik rahatlığınızı qorumaqla yanaşı, müəyyən işləri yoluna qoymaq istəyəcəksiniz. Ev, ailə və şəxsi büdcə ilə bağlı məsələ diqqətinizi çəkə bilər. İşdə tələsik hərəkət edənlərin səhvini görmək və onu vaxtında düzəltmək imkanınız olacaq. Maddi sahədə sabitlik ön plana çıxır; riskli qərar verməkdənsə, mövcud imkanları qorumaq daha ağıllı olar. Sevgi həyatında münasibəti olan Buğalar daha çox güvən və sakitlik axtaracaqlar. Subaylar isə zahiri görüntüdən çox, qarşı tərəfin davranışına və səmimiyyətinə fikir verəcəklər. Günün sonunda bir məsələ ilə bağlı içiniz rahatlaşa bilər.

Buğa: Bu həftə sizi böyük dəyişikliklərdən çox həyatınıza rahatlıq gətirən kiçik qərarlar sevindirəcək. Bir müddətdir sizi yoran işi daha sadə üsulla həll edə və vaxtınıza qənaət edə bilərsiniz. İşdə hər kəsin tələsdiyi məqamda sakit qalmağınız səhvdən yayınmağınıza kömək edəcək. Rəhbərliklə və ya iş ortağı ilə aparılan söhbətdə əvvəllər nəzərdə tutulmayan yeni variant ortaya çıxa bilər. İş axtaran Buğalar üçün köhnə müraciətlərdən birinə cavab gəlməsi mümkündür. Maddi vəziyyətdə müəyyən rahatlıq yaransa da, ev, ailə və gündəlik ehtiyaclarla bağlı xərc arta bilər. Uzun müddətdir almaq istədiyiniz əşya yenidən gündəmə gələcək, amma onu dərhal almaq əvəzinə daha uyğun seçim tapa bilərsiniz. Ailə həyatında sizə küsmüş və ya sizdən uzaqlaşmış biri ilə münasibəti yumşaltmaq mümkün olacaq. Sevgi həyatında münasibəti olan Buğalar daha çox birlikdə sakit vaxt keçirmək istəyəcəklər. Qarşı tərəfin adi görünən, amma düşünülmüş davranışı sizi xüsusilə sevindirə bilər. Subay Buğalar üçün bu həftə sürətli flörtdən çox güvən hissi yaradan insan maraqlı olacaq. Həftəsonu evinizdə və ya şəxsi məkanınızda dəyişiklik etmək istəyiniz arta bilər.

 

Buğalar üçün sentyabr daha çox sabitlik yaratmaq və həyatını qaydaya salmaq ayı olacaq. İş həyatında səbrlə çalışdığınız məsələlərin nəticəsini görməyə başlaya bilərsiniz. Rəhbərlikdən gələn xoş söz, yeni vəzifə və ya gəlirlə bağlı sevindirici dəyişiklik gündəmə gələ bilər. Pul məsələlərində əvvəlki aylara nisbətən rahatlama hiss olunacaq. Bununla belə, böyük alış və borcla bağlı qərarları yaxşı düşünmək lazımdır. Şəxsi münasibətlərdə duyğularınız daha dərin olacaq. Sevdiyiniz insanla gələcək haqqında ciddi söhbətlər edə bilərsiniz. Subay Buğalar üçün dost çevrəsi vasitəsilə maraqlı tanışlıq mümkündür. Ailə daxilində bir müddətdir həllini gözləyən məsələ də yoluna düşə bilər. Ayın sonuna yaxın gözləmədiyiniz bir xəbər planlarınızı dəyişdirə bilər. Bu dəyişiklik əvvəlcə sizi narahat etsə də, sonradan yeni imkanın qapısını açacaq.

2026-cı il Buğa üçün sabitliyin yenidən qurulduğu dövrdür. İl səni dəyişikliklərə məcbur edəcək. Komfort zonasından çıxmaq lazım olacaq. Maddi məsələlərdə daha ağıllı davranacaqsan. Qənaətcil yanaşma ön plana çıxacaq. İş həyatında səbrinin qarşılığını alacaqsan. Uzunmüddətli planlar nəticə verəcək. Yeni iş təklifləri mümkündür. Qərar verməkdə tələsməyəcəksən. Ailə münasibətləri istiləşəcək. Köhnə incikliklər həll oluna bilər. Sevgi həyatında dərinlik axtaracaqsan. Səthi münasibətlər səni qane etməyəcək. Tək Buğalar üçün ciddi əlaqələr mümkündür. Münasibətlərdə güvən əsas olacaq. Duyğularını ifadə etməyi öyrənəcəksən. Susmaq yerinə danışacaqsan. Sağlamlıqda qidalanma önəmli olacaq. Bədəninin siqnallarına qulaq asacaqsan. Stressi azaltmaq vacib olacaq. Təbiətlə vaxt keçirmək rahatladacaq. Dost çevrən dəyişəcək. Səni yoran insanlardan uzaqlaşacaqsan. Öz dəyərini daha yaxşı anlayacaqsan. Özünü kiçiltməyəcəksən. Maddi təhlükəsizlik önəm qazanacaq.

Buğa bürcü 20 apreldən 21 maya qədər olan tarixi əhatə edir. Ünsürü torpaq, rəngləri sarı-limon, parlaq mavi, narıncı, yaşıl-limondur. Uğurlu daşları firuzə, göy yaqut, əqiq, opal, zümrüd, yaşıl mərmər, nefrıt. Xoşbəxt rəqəmləri 2,4,16, (və 6-ya bölünən rəqəmlər). Uğurlu günləri: bazar ertəsi, cümə, uğursuz günləri. çərşənbə axşamıdır.
Buğada təəccüblü görünən daimi qayğıkeşlik hissi var. Bir çox adamların işləri düz gətirməyəndə, xoşagəlməz hadisələr baş verəndə buğanın təklif etdiyi komfort, dünyanın ən böyük rahatlığı kimi görünür. Əlbəttə, hər şey yaxşı olanda və həyat maraqlı hadisələriə dolanda, buğa ləng və darıxdırıcı görünür.
Məsələ heç də onda deyil ki, buğa sürətlə hərəkət edə bilmir, sadəcə, o, buna cəhd göstərmır. Buğa hərəkətə başlayanda, deməli kimsə ona güclü təkan verib. Həqiqətdə daxili təminatdan doğan əmin-amanlığı axtarmasına baxmayaraq, bunun xarici dünyada əksi olan, pul, varlıqlar və insanlar arası tarazlığı xəstəlik halına gətirə bilər.Özünə məxsus olan əşyalara qarşı çox həssasdir.
Onun yaxşı zövqu var, məsələn, yeməkdən lazımınca baş çıxarır. Buğalar adətən çox yaxşı aşpaz olurlar. Ləzzətli yeməyi çox sevən Buğanın sanki gözü doymur: o arxayın olmalıdır ki, hələ ehtiyat ərzağı var və ac qalmayacaq. Həvəslə dostlarını evinə qonaqlığa dəvət edir, onları ləzzətli qidalarla yedizdirib-içizdirir.
Təsəlli, sakitlik və etibarlılıq həmişə buğanı müşayiət edir. O, səbir və qayğı ilə istədiyinə nail ola bilir. Bu bürc altında doğulanlann tərs üzü — öz mövqelərini əldən verməmək və dəyişməməkdir.

Buğa bürcü kişiləri

Onlar heç də ən temperamentli sevgililərdən deyil. Dözümlü (səbirli), lakin güclü — onun əsas keyfiyəti belədir. O, vaxtında istədiyini alacaq, heç vaxt yarı yolda geri çəkilməyəcək.
Onun ehtirasları dərhal görünrnür, ancaq qəti şəkildə sizi fəth etmək istəsə, ehtiyatlı olun! Asanlıqla ondan yaxa qurtara bilməyəcəksiniz.
Naz-qəmzə etmək mənasızdır. Buğa Zodiakın ən tərs bürcüdür. Əgər intellektuai qabiliyyəti varsa əvvəlcə inandırma, sonra isə lazım gələrsə komanda-əmr ilə istədiyinə nail ola bilir. Onlar adətən fiziki cəhətdən sağlam, qədd -qamətli olur.
 

Buğa bürcü qadınları

Buğa bürcü qadınları tərs və hissiyyatlıdır. Kişiləri cəlb etməkdə mahirdir. Çoxuna mühafizəkar görünə bilər, çünki gec əl verir.
Özünün potensial sevgilisini tapmaqda intuisiyasına arxalanır.Çox sentimentaldır. Ürəyindəkiləri birbaşa deyir. Təəssüratı gücləndirmək üçün başınızda qab da sındıra bilər. Öz tərsliyində o, ağılsız görünür. O, qisas almağa can atsa, təhlükəli düşmənə çevrilir. Lakin yalan və aldanışı tez aşkar edə bildikləri kimi, tərəfdaşın səmimiyyətinə də qarşılıqlı şəkildə cavab verməyə hazır olan qadın buğalar öz emosiyalarına daha çox bel bağlayırlar.
Onun çox nadir intellekt forması var: həqiqəti bilmək üçün intuisiyaya etibar edir.Qadın-Buğa praktikdir və idealizmə meyl etmir. O, platonik məhəbbətə inanmır, yalnız fiziki meyllə olan sevgini qəbul edir.Buğa qadınlar seksual tələbatın ödənməsinə normal baxırlar. Dəbdəbəsiz, lakin zövqlə geyinirlər.O həmişə tərs və inadkardır. Zahirən kövrək və köməksiz də görünə bilər, ancaq əslində belə deyil.Qadın buğa yaxşı xörək bişirir, gözəl məşuqədir, sədaqətli arvaddır və özü də xəyanəti heç vaxt bağışlamır.