Doğum cədvəlinin hesablanması

Bu gün iş və sağlamlıqla bağlı detallara diqqət yetirməlisiniz. Gündəlik həyatınızı daha sistemli etmək üçün yeni plan qurmaq faydalı olacaq. Sağlam qidalanmaq və aktiv qalmaq əhvalınızı yaxşılaşdıracaq. İş yerində isə təzyiqlərə qarşı səbirli və təmkinli olun. Əlavə məsuliyyətlər sizi yora bilər, amma nəticə sizi sevindirəcək. Rutinlərə yenilik qatmaq sizi canlandıra bilər. İş yoldaşları ilə münasibətlərə diqqət yetirin – gözlənilməz dəstək ala bilərsiniz. Özünüzə qarşı çox tələbkar olmayın. Gündəlik vərdişlərinizi dəyişmək üçün motivasiyanız yüksək olacaq. Kiçik dəyişikliklər böyük rahatlıq gətirə bilər.

Bu həftə daxili gücünüz parlayacaq. Qətiyyətlə atdığınız addımlar həyatınıza müsbət təsir göstərə bilər. İş həyatında gizli qalan detallar və ya sənədlərlə bağlı aydınlıq yaranacaq. Maliyyə məsələlərində diqqətli olmalı, qənaət və sabitlik üçün plan qurmalısınız. Romantik münasibətlərdə duyğular daha da dərinləşəcək, partnyorunuzla ruhən yaxınlıq mümkündür. Gözlənilməz görüşlər və tanışlıqlar sizə yeni perspektivlər qazandıra bilər. Bir müddətdir qərarsız qaldığınız məsələ ilə bağlı qəti mövqe ortaya qoyacaqsınız. İntuisiyanıza güvənərək doğru addımlar atmaq sizi uğura aparacaq. Sizi tənqid edən insanlara qarşı sakit və ağıllı yanaşmaq sizi daha da gücləndirəcək. Sevgidə dərin, amma sakit bir dövrə girirsiniz – emosiyaları boğmaq əvəzinə paylaşın. Pul baxımından qəfil bir xeyir əldə edə bilərsiniz – xüsusilə ailədən. Köhnə bir planı həyata keçirmək üçün uyğun zamandır. Hiss etdiyiniz, amma ifadə etmədiyiniz duyğular artıq açığa çıxacaq. Özünüzü emosional təmizləmə mərhələsinə girirmiş kimi hiss edə bilərsiniz. Həftəsonuna doğru rahatlıq və daxili balans bərpa olunacaq.

Əqrəb bürcündə doğulan insanlar üçün May ayı emosional dərinlik və dəyişikliklərlə zəngin olacaq. Bu ay iç dünyanızda çox şey dəyişə bilər, bu da sizi qərar verməyə və prioritetlərinizi yenidən gözdən keçirməyə vadar edəcək. Münasibətlərdə daha səmimi və dürüst olmaq istəyi artacaq. Uzunmüddətli münasibətlərdə ciddi qərarlar, hətta evlilik və ya ayrılıq kimi dönüş nöqtələri ola bilər. Subay Əqrəblər üçün sirli və cəlbedici bir tanışlıq mümkündür. İş sahəsində isə köhnə məsələləri həll etmək və yarımçıq qalan layihələri başa çatdırmaq üçün əla zamandır. Maliyyə sahəsində diqqətli olmaq və impulsiv alış-verişdən çəkinmək lazımdır. Sağlamlıqda hormon sistemi və cinsiyyət orqanlarına qarşı diqqətli yanaşmaq vacibdir. Psixoloji baxımdan isə meditasiya və dərin düşüncə sizə yardımçı olacaq. Daxili aləminizi təmizlədikcə həyatınızda daha çox aydınlıq və rahatlıq hiss edəcəksiniz.

2025-ci il Əqrəb bürcünü çox əhəmiyyətli peşəkar dəyişikliklər və şəxsi inkişaf dövrü gözləyir. 2025, karyera sahəsində yeni başlanğıclar, təkliflər və rəhbərlik mövqelərində yüksəlmə şansı gətirəcək. Əqrəblər bu il özlərini daha çox lider kimi hiss edəcəklər və iş həyatında böyük nailiyyətlər əldə edəcəklər. Həm də yeni bilik və bacarıqlar əldə etmək üçün gözəl bir dövr olacaq, xüsusən də özünüzü inkişaf etdirmək istəyirsinizsə.

Sevgi və münasibətlər: Romantik münasibətlərdə bu il əhəmiyyətli inkişaflar olacaq. Əqrəblər bu dövrdə əlaqələrində daha çox dərinlik və səmimiyyət axtaracaqlar. Bu il, münasibətlərinizdə dürüstlük və şəffaflıq çox vacib olacaq. Əgər artıq bir münasibətiniz varsa, bu il əlaqəniz daha da güclənəcək və qarşı tərəflə yeni, dərin bir bağ qurmaq imkanı olacaq. Yalnızsanız, yeni tanışlıqlar və əlaqələr mümkündür, amma bu münasibətlər yalnız əsaslı və dürüst ünsiyyətlə inkişaf edə bilər.

Sağlamlıq: 2025-ci ildə, sağlamlığınızda diqqətli olmalısınız. Həm bədəninizin, həm də zehni sağlamlığınızın qorunmasına çox diqqət yetirilməlidir. Xüsusilə stressin idarə olunması vacibdir, çünki bu, bədəninizə təsir edə bilər. Məşq etməyi və sağlam həyat tərzini davam etdirmək çox vacibdir. Yoga və meditasiya kimi rahatlama üsulları, zehni balansınızı qorumağa kömək edəcək.

Maliyyə: Maliyyə sahəsində bu il yaxşı imkanlar olacaq, amma buna baxmayaraq ehtiyatlı olmalısınız. Əqrəblər bu il bəzi sərmayə qərarları və maliyyə yatırımları edə bilərlər, amma hər şeyin dəqiq təhlilini etmək vacibdir. Maliyyə məsələlərində tərəddüd etməmək və peşəkar məsləhət almaq faydalı olacaq. Gəlirinizdə artım olsa da, diqqətli və balanslı olmaq lazımdır.

Əqrəb bürcünün ünsürü su, planeti Mars və Pluton, düşərli günü çərşənbə axşamı, düşərsiz günü bazar ertəsi, cümə, uğurlu rəngi sarı, tünd-qırmızı, al və moruğu, uğursuz rəngi boz, metalı dəmir və polad, uğurlu daşı akvamarin, rubin, Ay bülluru, topaz, enerji verən çiçəyi qərənfil, pion və xirozentema, uğurlu rəqəmi 4, 5, 8, 9, 10, 66, müxalif bürcü Buğa, talismanı əqrəb, ölüm işarəsi, şanslı ölkələri isə Almaniyanın Bavariya və Saksoniya hissəsi, Norveç, Əlcəzair, İsveç, Mərakeş və Seylondur.
Əqrəb işarəsi altında dünyaya gələn adamlar öz xüsusiyyətlərinə görə, iki sinfə bölünürlər: mistiklər və materialistlər. Birincilər hər şeyi ilahiyyatla bağlayır, ikincilər isə əsasən, fağır və sakit görünsələr də, öz məqsədləri uğrunda hər şeyə gedirlər. Hətta onlar süst və sıxıntı içində yaşasalar da, özlərinin şəxsi maraqları xatirinə buna dözürlər. "Əqrəb«lər daim narahatlıq hissi keçirən adamlardır. Bu işarə altında dünyaya gələnlər çatışmaz hərəkətlərini, o cümlədən hiyləgərliklərini çox ustalıqla gizlədə bilirlər. Onların nə istədiyini, hansı addımı atacaqlarını özləri deməsə, təyin etmək çətin olur. Yəqin elə bu səbəbdən də orta əsrlərdə „Əqrəb“ləri „əsl sifətini maska altında gizlədən adam“ adlandırırdılar.

Əqrəb bürcündə doğulan şəxslərlə ünsiyyət yaratmaq, dil tapmaq üçün müəyyən bacarığa malik olmaq lazımdır. Əqrəblərin xarakterində bir neçə xüsusiyyət var. Onlar vəziyyətin ağası olmaqla yanaşı, həm də başqalarında qətiyyəti qiymətləndirirlər.
Əqrəb bütün münasibətlərdə dominant olmağı sevir. Bəyənmədiyi, onun fikriycə layiq olmayan, diqqətini çəkməyən insanla ünsiyyətə girmirlər. Əqrəbin diqqətini çəkmək üçün mütləq ona kompliment söyləyin. Bu onun xarici görünüşü, geyimi, özünü aparmaq qabiliyyəti ilə bağlı ola bilər.
Əqrəblər çox vaxt sakit oturmağı sevirlər. Onlar sizə diqqətlə qulaq asıb, yeni informasiya almaq istəyirlər.
Onunla söhbət zamanı siyasət, hava haqqında danışmayın. O, sizinlə söhbət xatirinə söhbət etməyəcək. Onları maraqlandıran mövzu haqqında ixtilat etməyə çalışın.

 

ƏQRƏB BÜRCÜ KİŞİLƏRİ

Əqrəb bürcü altında doğulmuş kişi öz seksual meyfinə çox bağlıdır. O, ehtiraslı, emosional və gözlənilməzdir. Xarakteri — öz arzu və istəklərinin dalmca gedərək heç bir maneəyə baxmadan onları ödəmək; nəticəsi barədə düşünməz. Qoy başqaları onu ürəksiz donjuan — arvad düşkünü hesab etsin — fərqinə varmir.
İnsanlar onun hipnotik seksuallığına — dəmir maqnitə cəzb olunduğu kimi cəlb oiunurlar. Güclü energetik sahəyə malikdir. Lakin qadının ona çox yaxınlaşmasında bir qorxulu cəhət var; seksuallığı xəbərdarlıqsız şəkildə partlaya bilər. Özünə nəzarət etmir. Artıq xoşagəlməz hadisələrlə üzləşmək istəmirsinizsə, ondan uzaq olun. Sevgi oyununda onunla lap yüksəklərə də qalxmaq olar, ən aşağı səviyyəli hərəkətlərə də enmək mümkündür. Çox ehtiraslı olub, məqsədinə çatmaq üçün hər hansı bir riskə gedə bilər; hətta qadını zorlamaqdan da çəkinməz. Kişi əqrəb xeyirxahhğı heç vaxt unutmadığı kimi, təhqir və incikliyi də həmişə yadda saxlayır. Yaralansa -yeganə məqsədi qisasçılıq olacaq. Münasibətlərində çox vaxt mübarizə və yarış elementləri olur. Asanlıqla özünə düşmən qazanır; onlar ehtiyatlı olmalıdırlar. Onun üçün iş çox vacibdir. Fiziki əməyi sevmir. Canlı təxəyyülü, cəsarəti və təşəbbüskarlığı onu uğura doğru aparır. Maliyyə işlərində praktikdir; pul məsələsində onu aldatmaq çətindir. Ürək məsələlərində «yox» sözünü başa düşmür. Onun fikrincə, ehtirasın özü bir qanundur. Hiyləgərlik, eqoizm, prinsipsizlik kimi xarakter əlamətləri ola bilər və bütün bunlar onun seksual macəralarında təzahür edir.
 

 

ƏQRƏB BÜRCÜ QADINLARI

Qadın əqrəb kişini heyran etmək üçün necə gəzmək, danışmaq və görünmək barədə bütöv bir kitab yaza bilər.O, çox seksualdır. Gözlərində və səsində ehtiras aşıb-daşır.
Cəlbedici kişi görəndə onu kütlədən ayırıb fəth etməyi bacarır. Xaricdən bir o qədər qəşəng olmasa da, hipnotik gözlərilə kişinin müqavimətini qırır; sanki kobra bədbəxt dovşanı ağuşuna alır.
Darıxdırıcı tərəfdaşları sevmir. Yüksək dərəcəli, rahat miniklərdə səyahəti xoşlayır və pula qızırqanmır. Enerjisi bir neçə qadına kifayət edər. Yaxşı işləməyi və əylənməyi sevir. Hər şeydə ifratçılığı var. Sevgiyə ciddi yanaşır. Bu bürcün kişisi kimi, o da öz ehtiraslarının quludur.
Yataqda tələbkardır və çox az kişi olar ki, onun ehtiyacını tam ödəsin. Özünə münasib olmayanları sevmir. Digər tərəfdən, utancaq, psixoloji mövhumatlı impotentlərlə möcüzə yarada bilər; öz tərəfdaşının potensialını seks enerjisinə çevirər. Məqsədinə çatmaqda güclü iradəsi və böyük dözümü ona köməkdir. Seçdiyi yolda qətiyyətlidir; ətraf şəraitə uyğunlaşmağa cəhd etmir. Lakin xəyanəti heç bağışlaya bilmir. Qəzəbli qadın-Əqrəb iblisdən də dəhşətlidir. Onun qisasçılıq və dağıdıcılığı etibar və etimadını doğrultmayan şəxsi məhv etməyə qədər şiddətlənə bilər. Qısqanclıq — onun əsas nöqsanıdır. Zəifliyə nifrət edir. Ancaq bir şeydə əmin olun ki, o, emosional, ehtiraslı olduğu qədər də sevgisinə sədaqətlidir; özünü fəda etməyə, qurban verməyə də hazırdır. Nikah? Gördüyünüz kimi o, cənnət də, cəhənnəm də ola bilər; orta variant yoxdur. Yadda saxlayın: Zodiak bürcləri arasında Əqrəb hamıdan çox ifratçılığa meyl edir. Bu — təhlükəli qadındır. Əsəbləri zəif olanlar belə qadınların yanından ötüb keçməlidir.