Bakıda qatar deposunda yanğın olub

Lent.az-ın Fövüqəladə Hallar Nazirliyinin saytına istinadən verdiyi məlumata görə, Nizami rayonunda Dəmir Yolu İdarəsinə məxsus Lokomotiv Deposunda istismar müddəti başa çatmış elektrovozun kabinə hissəsi yanıb.

Yanğın saat 17:57-də yanğınsöndürənlər tərəfindən söndürülüb. İlkin ehtimala görə, yanğına qaynaq işləri aparılarkən təhlükəsizlik qaydalarına riayət olunmaması səbəb olub.