Göygöldə iki nəfər özünü öldürüb

Aprelin 20-də Göygöl rayonunda iki nəfər özünü öldürüb. Rayon Prokurorluğundan Lent.az-a verilən məlumata görə, Üçtəpə kəndində Kəlbəcər rayonundan məcburi köçkün olan 1963-cü il təvəllüdlü Mahmudov Araz Abbas oğlu intihar edib. O, qardaşına məxsus evin həyətindəki tövlədə özünü asıb.

Digər hadisə isə rayonun Şəhriyar kəndində qeydə alınıb. Kənd sakini, 1962-ci il təvəllüdlü Əsədova Fiqumə Nadir qızı yaşadığı ikimərtəbəli evin birinci mərtəbəsindəki eyvanda özünü asıb.

Hər iki faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb, hadisələrin səbəbləri araşdılır.

Nizam RZA