Evlilik çox vaxt təsvir edildiyi kimi sehrli bir “xilas yolu” deyil. 2025-ci ildə jurnalında dərc olunan yeni tədqiqat göstərib ki, münasibətlərdə xoşbəxtliyin mənbəyi elə evlilik deyil. O, sadəcə olaraq tərəfdaşlar arasında əvvəldən mövcud olan hissləri davam etdirir.
Lent.az xarici mediaya istinadla xəbər verir ki, alimlər evliliyin universal xoşbəxtlik mənbəyi olması barədə məşhur mifi təkzib ediblər.
Ümumilikdə 35 illik dövrü əhatə edən bu araşdırmada 1984–2019-cu illər arasında 1100-dən çox evlilik hekayəsi izlənilib və həyat məmnuniyyətinin zamanla necə dəyişdiyi öyrənilib.
Tədqiqatın əsas məqsədi evliliyin həyat məmnuniyyətinə nə dərəcədə təsir etdiyini müəyyənləşdirmək olub. Alimlər iştirakçıların yolunu tək həyat mərhələsindən münasibətlərə, birgə yaşayışa və nəhayət, evliliyə qədər izləyiblər.
Tədqiqatın nəticələrinə görə, həqiqi xoşbəxtliyin səbəbi nə bahalı toy mərasimləridir, nə də parıltılı hadisələr. Xoşbəxtliyin əsası qarşılıqlı anlayış, dəstək və canlı münasibətlərin verdiyi daxili rahatlıq hissidir. Əgər cütlük sağlam və harmonikdirsə, toy və birgə yaşayış kimi böyük hadisələr sadəcə mövcud sevinc hissini gücləndirir.
“Evlilikdən əvvəl xoşbəxt olmağı bacaran insanlar bu hissi nikahdan sonra da qoruyurlar. Əgər siz ‘nağıl kimi’ bir evlilik arzulayırsınızsa, o zaman bu nağılı toy zəngləri çalınmazdan xeyli əvvəl qurmağa başlayın,” – deyə psixoloq Trevers əlavə edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
