Evlilikdə böhranlı dövrlər normal hesab olunur, lakin əgər qadın bütün uğursuzluqlara görə daim ərini günahlandırırsa, bu, münasibətlər üçün ciddi siqnaldır.
Lent.az xarici mediaya istinadla xəbər verir ki, belə davranış inamı sarsıdır, münaqişələri dərinləşdirir və tərəfləri bir-birindən uzaqlaşdırır.
Mütəxəssislərin fikrincə, qadınların bu cür reaksiyası müxtəlif səbəblərlə bağlıdır. Məsuliyyəti qəbul etmək istəməmək, özünü müdafiə mexanizmləri və ya dəstəyin çatışmadığını hiss etmək.
Psixoloq qeyd edir ki, xoşbəxt münasibətlər üçün insan ilk növbədə öz davranışına diqqət etməlidir.
Ən çox rast gəlinən 11 ittiham ifadəsi
Ekspertlər qadınların tez-tez səsləndirdiyi, günahı ərinə yükləyən 11 tipik ifadəni açıqlayıblar:
- “Bütün bunlar sənin günahındır” – məsuliyyətdən yayınmaq üsulu.
- “Sən heç vaxt məni dinləmirsən” – eşidilməmək hissi.
- “Əgər məni dinləsəydin, bunlar baş verməzdi” – manipulyasiya forması.
- “Sən heç vaxt məni dəstəkləmirsən” – diqqət və yardımın çatışmadığını göstərir.
- “Mənim bədbəxt olmamda səbəb sənsən” – xoşbəxtliyi tam partnyorun üzərinə yükləmək.
- “Sən məni başa düşmürsən” – emosional uzaqlaşma siqnalı.
- “Sən məni sadəcə istifadə edirsən” – sevginin itməsinə işarə.
- “Mən həmişə günahkaram” – qurban roluna girmək.
- “Sən heç nəyi düz etmirsən” – daimi tənqid və yüksək gözləntilər.
- “Sən məni çox məyus edirsən” – narazılığı tam partnyora yönəltmək.
- “Kaş sən başqası kimi olaydın” – təhlükəli müqayisə, kişinin dəyərini azaldır.
Mütəxəssislərin məsləhəti
Psixoloqlar bildirirlər ki, bu cür ittihamlar tərəflər arasında “qapalı dairə” yaradır: kişi özünü günahkar hiss edərək uzaqlaşır, qadın isə daha çox narazı qalır. Nəticədə konfliktlər dərinləşir, söhbətlər isə ardıcıl gileyə çevrilir.
Mütəxəssislər bu ifadələrə diqqət etməyi və onları münasibətlərdə “xəbərdarlıq siqnalı” kimi qəbul etməyi tövsiyə edir. Zəruri hallarda açıq dialoq qurmaq və ya ailə terapevtinə müraciət etmək münasibətlərin sağlam qalmasına kömək edə bilər
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
