Bakıda evdən meyit tapılıb

Lent.az-ın Fövqəladə Hallar Nazirliyinin saytına istinadən verdiyi məlumata görə, Sabunçu rayonunda mənzildə bir nəfərin bağlı qapı arxasında köməksiz vəziyyətdə qalması barədə məlumat daxil olub. Hadisə yerinə gələn xilasedicilər mənzilə pəncərədən daxil olub. Mənzilə baxış keçirilərkən 1952-ci il təvəllüdlü Şiroxov Valeri Petroviç döşəmədə hərəkətsiz vəziyyətdə aşkarlanıb. Hadisə yerinə çağırılmış Təcili Tibbi Yardım Stansiyasının həkimləri tərəfindən aparılan ilkin tibbi müayinə nəticəsində V.Şiroxovun öldüyü müəyyən olunub.

59 yaşlı V.Şiroxovun hansı səbəbdən öldüyü araşdırılır.