Rəqsanə polisə aparıldı

Müğənni Rəqsanə növbəti kriminal olayla gündəmə gəlib. Hüquq-mühafizə orqanlarından lent.az-a bildirilənə görə, müğənni dünən gecə Bakının Heydər Əliyev prospektində idarə etdiyi “Mercedes Benz” markalı avtomobillə qəza törədib.

Onun idarə etdiyi avtomobilin başqa bir avtomobillə toqquşması nəticəsində zəncirvari qəza baş verib və daha iki avtomobil də zədələnib.

Avtomobillərdən birinin sərnişini xəsarət aldığı üçün dərhal xəstəxanaya yerləşdirilib.

Qəzanı törədən Rəqsanə isə hadisə yerindən qaçıb. O, bu gün səhər saatlarında polisə aparılıb.

Müğənninin prodüseri Təranə Səmədova mətbuata faktı təsdiqləsə də, geniş açıqlama verməyib.