Bakıda ərini öldürməkdə şübhəli bilinən qadın tutuldu - YENİLƏNİB

Hövsan qəsəbəsində 32 yaşlı Elşən Hadızadənin qətli ilə bağlı onun həyat yoldaşı saxlanılıb.

Suraxanı rayon Prokurorluğundan Lent.az-ın sorğusuna cavab olaraq bildirilib ki, hadisə ilə bağlı aparılan istintaq-əməliyyat tədbirləri nəticəsində E.Hadızadənin həyat yoldaşı, 31 yaşlı Gülnar Vəlizadə tərəfindən qətlə yetirilməsinə əsaslı şübhələr yaranıb.

G.Vəlizadə şübhəli şəxs qismində saxlanılıb.

Fakta görə, Suraxanı rayon Prokurorluğunda Cinayət Məcəlləsinin 120.1-ci maddəsi ilə cinayət işi başlanıb.

***

20:00

Yanvarın 30-da Suraxanı rayonu, Hövsan qəsəbəsində 32 yaşlı Elşən Hadızadənin yaşadığı evdə kəsilmiş-deşilmiş xəsarət alması və aparıldığı xəstəxanada ölməsi ilə bağlı rayon prokurorluğuna məlumat daxil olub.

Suraxanı rayon Prokurorluğundan Lent.az-ın sorğusuna cavab olaraq bildirilib ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Hadisənin təfərrüatları ilə bağlı ictimaiyyətə əlavə məlumat veriləcək.

***

19:59

Bakı şəhəri Hövsan qəsəbə sakini, 32 yaşlı Elşən Hadızadə aldığı xəsarətlər vəfat edib.

Lent.az APA-ya istinadla xəbər verir ki, hazırda araşdırma aparılır.

***

19.28

Bakıda arvadın ərini bıçaqlaması hadisəsi qeydə alınıb.

Lent.az APA-ya istinadən xəbər verir ki, hadisə Suraxanı rayonu, Hövsan qəsəbəsində qeydə alınıb.

Qadın həyat yoldaşını bıçaqlayıb. Kişi xəstəxanaya yerləşdirilib.

Faktla bağlı araşdırma aparılır.

lent az lent.az xeberler xəbərlər ulduz fali mezenne son xeberler son xeber bürclər burcler günlük bürclər gunluk burcler lent.az xeber lent.az xeberler hadise Bakıda bıçaqlanma