24 yaşlı Van Syao böyrək nəqli üçün 27 yaşlı Yu Tsyanpinlə evlənib, lakin tale ağır xəstə cütlüyü əsl sevgiyə gətirib çıxarıb.
Lent.az-ın xarici mediaya istinadla xəbərinə görə, 12 il əvvəl gənc qadına uremiya diaqnozu qoyulub. Həkimlər böyrək nəqlinə ehtiyac olduğunu müzakirə etsələr də, Vanqın ailə üzvlərindən heç birinin tələb olunan qan qrupu yox imiş. Daha sonra ona xərçəng xəstəsi tapıb böyrək müqabilində evlilik təklif etməsi məsləhət görülüb. O, sosial media qrupunda elan yerləşdirib. 27 yaşlı mieloma xəstəsi Yu Tsyanpin cavab verib.
Cütlük evlənib. Əri ölümündən sonra böyrəyini ona bağışlayacağına, qadın isə ona və yaşlı atasına baxacağına söz verib. Lakin zaman keçdikcə gənclər birlikdə xoşbəxt olduqlarını anlayıblar. Tezliklə onlar həqiqətən bir-birlərinə aşiq olduqlarını anlayıblar.
Qeyd olunur ki, Vanq hətta ərinin sümük iliyi nəqli üçün pul toplamaq məqsədilə kiçik bir çiçək biznesi də açıb. Tezliklə o, lazımi məbləği toplayıb və Yu əməliyyat olunub. 2014-cü ilin yayına qədər onun vəziyyəti sabitləşib və residivləri dayanıb. Vanqın səhhəti də yaxşılaşıb - indi o, həftədə iki dəfə əvəzinə ayda bir dəfə dializə ehtiyac duyur və bu da ona ilkin transplantasiya planından imtina etməyə imkan verib.
2015-ci ildə cütlük rəsmi toy mərasimi keçirib və onların hekayəsi 2024-cü ildə nümayiş olunan və 276 milyon yuan (38 milyon dollar) gəlir gətirən "Viva La Vida" filminin əsasını təşkil edib. Cütlük Sianda öz gül dükanlarını açıblar və bu mağaza hələ də fəaliyyət göstərir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
