İllər sonra restoranda təsadüfi görüş sevgiyə çevrilib və evliliyə səbəb olub.
Çində bir qadın xilaskarı ilə - onu 11 yaşında ikən zəlzələnin dağıntıları altından çıxaran kişi ilə evlənib. İllər sonra onlar təsadüfən bir restoranda görüşüblər və bu görüş onların sevgi hekayəsinin başlanğıcı olub.
Lent.az-ın xarici mətbuata istinadla xəbərinə görə, bu, Çanşada keçirilən han üslubunda kollektiv toy mərasimində elan edilib. Mərasimdə 37 cütlük evlənib. Onların arasında 12 yaş fərqi olan 34 yaşlı Lyan Çjibin və 22 yaşlı Lyu Simey də olub.
Onların ilk görüşü 2008-ci ildə Vençuan zəlzələsi zamanı baş tutub. O zaman 22 yaşlı əsgər Lyan xilasetmə işlərində iştirak edib. O və komandası metal çubuqlar və bina dağıntıları arasında qalan 10 yaşlı Lyuya çatmaq üçün dağıntıları təmizləməyə təxminən dörd saat sərf ediblər.
Hər şey 2020-ci ildə, 22 yaşlı Lyu ailəsi ilə Çanşadakı bir restoranda nahar edərkən dəyişib. Anası qonşu masadakı bir kişini tanıyıb və onun eyni əsgər olduğunu düşünüb. Lyu salam vermək üçün yaxınlaşıb və beləliklə, onlar ikinci dəfə görüşüblər.
Bundan sonra onlar ünsiyyət qurmağa başlayıblar. Lyu təşəbbüsü ilk öz üzərinə götürüb, əlaqə saxlayıb və tədricən aşiq olduğunu anlayıb. O, hisslərinin minnətdarlıq deyil, həyatını Lyana etibar edə biləcəyinə inam olduğunu etiraf edib.
Lyan da qarşılıq verib: deyib ki, onun səmimiyyəti və şənliyi çətin anlarda "işıq şüası"na çevrilib. "O vaxtlar mən sadəcə vəzifəmi yerinə yetirirdim. Amma indi onu sevirəm - və bu, tamamilə fərqli bir şeydir".
Toy mərasimində cütlük taleyin onları ikinci dəfə, amma bu dəfə əbədi olaraq bir araya gətirdiyini qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
