Xəyanət mövzusu hər zaman güclü emosiyalar doğurur. Lakin psixoloqlar uzun müddətdir münasibətlərin dağılmasına səbəb olan mexanizmləri araşdırırlar və bəzən problemin yalnız kişinin xarakteri ilə deyil, münasibətdə yaranan davranış dinamikası ilə bağlı olduğunu bildirirlər.
Lent.az xarici mediaya istinadən xəbər verir ki, mütəxəssislərin fikrincə, söhbət günah axtarmaqdan deyil, münasibətlərin zamanla necə dəyişməsindən gedir.
Bir çox qadın isə fərqinə varmadan münasibətdə məsafə yaradan davranışlar formalaşdıra bilir. Psixoloqlar qeyd edirlər ki, daim nəzarət etmək yaxın münasibətləri zəiflədən əsas amillərdən biridir. Kişi özünü təzyiq altında hiss etdikdə münasibətdən kənarda daha çox azadlıq axtarmağa başlayır.
Daim tənqid də münasibətlərə mənfi təsir göstərir. Qadın hər xırda məsələyə irad tutduqda kişi özünə inamını itirə və münasibətdə özünü lazımsız hiss edə bilər.
Emosional soyuqluq da mühüm rol oynayır. Əgər qadın tərəfdaşına maraq göstərməyi dayandırırsa, kişi özünü münasibətdə kənarda qalmış kimi hiss edə bilər.
Bəzi qadınlar münasibətlərdə daha çox məişət tərəfinə diqqət yetirirlər. Lakin mütəxəssislər bildirirlər ki, kişilər üçün yalnız evdə qayda-qanun deyil, emosional yaxınlıq da vacibdir.
Psixoloqlar vurğulayırlar ki, davamlı iradlar və başqaları ilə müqayisə etmək etimadı sarsıdır. Bu halda insan onu şərtsiz qəbul edən bir mühit axtarmağa meylli olur.
Bəzən qadınlar tərəfdaşdan həddindən artıq ideal davranış gözləyərək onu özlərindən uzaqlaşdıra bilirlər. Davamlı təzyiq isə uzun müddət davam edə bilmir.
Kişi öz fikirlərinin eşidilmədiyini hiss etdikdə isə daha çox qapanmağa başlayır. Bu da tərəflər arasında aradan qaldırılması çətin olan emosional məsafə yaradır.
Mütəxəssislər bildirirlər ki, münasibətlərdə təşəkkür və qiymətləndirmənin olmaması da problemlərə səbəb ola bilər. Kişilər də qadınlar kimi görülən işlərin qiymətləndirilməsinə ehtiyac duyurlar.
Bəzi qadınlar isə düşünür ki, kişi hər şeyi özü başa düşməlidir. Lakin açıq ünsiyyətin olmaması çox vaxt anlaşılmazlıqlara gətirib çıxarır.
Psixoloqların sözlərinə görə, xəyanət çox vaxt ehtirasdan deyil, diqqət və anlayış çatışmazlığından qaynaqlanır. İnsan münasibətdə tapmadığı emosional dəstəyi başqa yerdə axtara bilər.
Bu səbəbdən də mütəxəssislər hissləri açıq şəkildə ifadə etməyi və inciklikləri içində saxlamağı tövsiyə etmirlər. Açıq dialoq münasibətlərdə yaxınlığı qorumağa kömək edir.
Psixoloqlar qeyd edirlər ki, dinləməyi və dəstək göstərməyi bacaran qadın münasibətdə etimad mühiti yaradır. Belə münasibətlərdə isə xəyanət halları daha az müşahidə olunur.
Əgər münasibətdə problemlər yaranmağa başlayırsa, mütəxəssislər ilk növbədə tərəflərin öz davranışlarına diqqət yetirməsini məsləhət görürlər. Bəzən ünsiyyət tonunu dəyişmək belə münasibətlərdə itirilmiş istiliyi geri qaytara bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
