Arvadı ilə dalaşdı, özünü bıçaqladı

Aprelin 14-nə keçən gecə Bakıda intihar hadisəsi baş verib. Xətai rayon Polis İdarəsindən Lent.az-a verilən məlumata görə, Naximov küçəsi 31, mənzil 20 ünvanında yaşayan 39 yaşlı Vəliyev Hidayət Aslan oğlu bıçaqla özünə 2 zərbə endirib. O, ağır vəziyyətdə “Azərsutikinti” xəstəxanasına yerləşdirilib.

Lent.az-a verilən digər məlumata görə, özünü bıçaqlayan şəxs hadisədən əvvəl həyat yoldaşı, 1988-ci il təvəllüdlü Vəliyeva Atlas Vasif qızı ilə mübahisə edib. Özündən 16 yaş kiçik həyat yoldaşı ilə aralarında baş verən narazılığı yoluna qoya bilməyən ailə başçısı daha sonra çıxış yolunu özünü bıçaqlamaqda görüb.

Faktla bağlı Xətai RPİ-də araşdırma aparılır.

Nizam RZA