Azərbaycanda tanınmış müğənni qəzada öldü

Bakı-Sumqayıt yolunda ölümlə nəticələnən yol qəzası olub.

Lent.az xəbər verir ki, hadisə ötən gecə qeydə alınıb.

Yük maşını idarəetmədən çıxaraq "Lexus" markalı minik avtomobilini və maşının yanında dayanan sürücü 46 yaşlı Kamil Əlövsət oğlu Sərməsovu vurub. Nəticədə Qubadlı rayon sakini olan Kamil Sərməsov dünyasını dəyişib.

Qeyd edək ki, mərhum müğənni kimi fəaliyyət göstərib. O, bir vaxtlar ANS televiziyasında yayımlanan "Toylar kralı" yarışmasının finalçısı olub.