Bazarda çubuqla adam döyən Azərbaycan vətəndaşının işi MƏHKƏMƏDƏ

Moskvada müstəntiqlər 2001-ci ildə bir nəfəri metal çubuqla döyən 57 yaşlı Azərbaycan vətəndaşı ilə bağlı cinayət işini başa çatdırıblar.

Lent.az bildirir ki, bu barədə Rusiya İstintaq Komitəsinin paytaxt idarəsindən məlumat verilib.

O, Rusiya Cinayət Məcəlləsinin 111-ci maddəsi (“Qəsdən sağlamlığa ağır zərər vurma”) ilə ittiham olunur. Onun işi mahiyyəti üzrə baxılması üçün məhkəməyə göndərilib.

İstintaqın versiyasına görə, 2001-ci il sentyabrın 17-də axşam saatlarında Moskvanın Vyatka ərzaq bazarında təqsirləndirilən şəxs metal çubuqla bir nəfəri döyüb. Nəticədə zərərçəkmiş həyati təhlükəsi olmayan xəsarətlər alıb. Daha sonra təqsirləndirilən şəxs istintaqdan qaçıb. Əlavə istintaq hərəkətləri zamanı o, Sankt-Peterburqda saxlanılıb.

Müstəntiqlər təqsirləndirilən şəxslə hadisənin şahidi arasında üzləşmə aparıb, o, müttəhimin hücum etdiyini təsdiqləyib. İstintaq zamanı təqsirləndirilən şəxs dəfələrlə ifadəsini dəyişsə də, sonradan günahını etiraf edib və törətdiyi cinayətdən peşman olub.