Gəncədə minik maşını avtobusla toqquşdu, xəsarət alan var

Gəncədə yol-nəqliyyat hadisəsi baş verib.

Lent.az xəbər verir ki, hərəkətdə olan "Chevrolet" markalı minik avtomobili BakuBusa məxsus sərnişin avtobusu ilə toqquşub. Qəza nəticəsində minik avtomobilinin sürücüsü, 1996-cı il təvəllüdlü G. Cəfərova xəsarət alıb.

Xəsarət alan şəxs xəstəxanaya yerləşdirilib, vəziyyətinin orta ağır olduğu bildirilir. Hadisə yerinə polis əməkdaşları cəlb olunub.

Qeyd olunur ki, qəza zamanı avtobusda olan sərnişinlərdən xəsarət alan olmayıb. Faktla bağlı araşdırma aparılır.