FHN Bakıdakı bina yanğınıyla bağlı məlumat yaydı - YENİLƏNİB

FHN-nin yaydığı rəsmi xəbərə görə, Bakının Nəsimi rayonunda hündürmərtəbəli yaşayış binasının birnci mərtəbəsindən 17-ci mərtəbəsinə qədər şaxtadan keçən elektrik kabelləri və 34 ədəd elektrik sayğacı yanıb. Şaxtadan keçən digər kommunikasiya xətləri və mənzillər yanğından mühafizə olunub.

Yanğın söndürülüb.

***

20:17

Bakının mərkəzində, Bülbül və Füzuli küçələrinin kəsişdiyi ərazidə yaşayış binasında yanğın başlayıb. Hadisə şahidlərinin Lent.az-a verdikləri məlumata görə, binanın yuxarı mərtəbələrinə başlayan yanğın genişlənməkdədir. Hadisə yerinə Dövlət Yanğından Mühafizə Xidmətinin yanğınsöndürmə briqadaları gəlib. Yanğınsöndürənlər alovun genişlənməsinin qarşısını almağa çalışırlar.