Rasim Ocaqovun adına təqaüd təsis edilib

Azərbaycan Respublikası Kinematoqrafçılar İttifaqının qərarı ilə xalq artisti, SSRİ və Azərbaycanın Dövlət mükafatları laureatı, "Şöhrət" ordenli görkəmli kinorejissor Rasim Ocaqovun adına təqaüd təsis olunub.

Lent.az-ın məlumatına görə, görkəmli kinorejissor R.Ocaqov adına təqaüdə Azərbaycan Dövlət Mədəniyyət və İncəsənət Universitetinin kinorejissor ixtisası üzrə təhsil alan 3-cü kurs tələbəsi (xalq artisti, professor Eldar Quliyevin emalatxanası), 1-ci qrup əlil Masər Fuad oğlu Həsənov layiq görülüb.