Soğan həm çiy, həm də bişmiş halda faydalıdır. Soğan yeməklərin dadını artırmaqla yanaşı, orqanizmdə iltihabla mübarizə aparmağa və immun sistemi dəstəkləməyə kömək edən antioksidantlar və bitki mənşəli birləşmələrlə zəngindir.
Lent.az soğanın faydalarını təqdim edir:
Soğanın insan orqanizmi üçün 8 əsas faydası var:
Bakteriyaları məhv edir
Soğan eyni anda 3 növ bakteriyanı məhv edə bilir:
Escherichia coli (E. coli);
Staphylococcus aureus (S. aureus);
Bacillus cereus.
Tədqiqatların nəticələri göstərir ki, soğanda olan flavonoidlərdən biri — kversetin — bir çox bakteriya növlərinin böyüməsini dayandıra bilir.
İltihabla mübarizəyə kömək edir
Soğan sərbəst radikallarla mübarizə aparan flavonoidlərin, xüsusən də kversetinin zəngin mənbəyidir. İnsanlarla aparılan bir neçə araşdırma kversetin səviyyəsi ilə immunmodulyasiyaedici təsirlər arasında əlaqəni təsdiqləyib. 2016-cı il araşdırması kversetin qəbulunun artırılmasının faydalı olduğunu göstərib.
Antioksidant xüsusiyyətlərə malikdir
Sarımsaq, pırasa və şalot kimi digər Allium tərəvəzləri ilə yanaşı, soğanda:
flavonoidlər,
qlutatyon,
selen birləşmələri,
E və C vitaminləri var.
Bütün bu komponentlər soğanın güclü antioksidant təsir göstərməsinə kömək edir. Qanda şəkərin səviyyəsinə nəzarət etməyə kömək edir
Heyvanlar üzərində aparılan tədqiqatlar göstərib ki, Allium cepa soğan ekstraktı yüksək qlükoza (şəkər) səviyyəsini əhəmiyyətli dərəcədə azaldır. Soğan ekstraktı şəkərli diabet dərmanı olan metforminlə birlikdə qəbul edildikdə, dozasından asılı olaraq, acqarına qanda şəkəri 35–50 faiz azaltmaq mümkündür. Bu, xüsusilə də soğanın ucuz və təhlükəsiz məhsul olduğunu nəzərə alsaq, çox ümidvericidir.
Sümükləri möhkəmləndirir
Araşdırmalar göstərib ki, soğanda olan GPCS peptidi sümüklərin dağılmasının qarşısını alır, sümük kütləsinin itirilməsini azaldır və qırılma riskini aşağı salır.
Həzm sistemi üçün faydalıdır
Soğan bağırsaq selikli qişasını qoruyan ən yaxşı prebiotik qidalardan biridir. Tərkibindəki inulin adlı prebiotik maddə faydalı bağırsaq bakteriyalarının artmasını stimullaşdırır.
Çoxlu faydalı maddələrə malikdir
Soğan sağlam qidalanmaya töhfə verən yüksək qida dəyərinə malikdir. Yarım stəkan çiy soğanda cəmi:
30 kalori,
0 qram yağ,
7 qram karbohidrat,
1 qram protein,
həmçinin dəmir, kalium, kalsium, C və B6 vitaminləri, fol turşusu, sink və selen var.
Çəkiyə nəzarətə kömək edir
Artıq çəki çoxlu doymuş yağ istehlakı nəticəsində yaranan metabolik və iltihabi dəyişikliklərlə əlaqəlidir. Rasiona soğan əlavə etmək bədən çəkisini, bədəndəki piy miqdarını və qanda triqliserid səviyyəsini əhəmiyyətli dərəcədə azalda bilər.
Soğanın qəbulu ilə bağlı məsləhətlər
Soğan həm çiy, həm də bişmiş halda faydalıdır. Lakin bişirmə zamanı soğanın antimikrob, göbələk əleyhinə və antibiotik təsirinə cavabdeh olan tiosülfinatların miqdarı azalır. Eyni zamanda, tədqiqatlar göstərir ki, soğanı bişirməzdən əvvəl doğramaq onun bir çox faydalı xüsusiyyətlərini qorumağa kömək edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
