Toyuq yumurtaları istər yarımbişmiş, istərsə də tavada qızardılmış olsun sağlamlıq üçün təhlükə yaratmır. Bu məşhur səhər yeməyi qanda xolesterinin səviyyəsini artırmır.
Lent.az xarici mətbuata istinadla xəbər verir ki, əvvəllər yumurtalar yüksək xolesterin mənbəyi hesab olunurdu. Lakin yeni tədqiqat göstərib ki, ürək üçün əsas təhlükə yumurtaların özündən deyil, digər qidalarda olan doymuş yağlardan qaynaqlanır.
Yumurtalar uzun müddət köhnəlmiş tövsiyələrə əsaslanaraq tənqid olunub. Onlar həqiqətən xolesterin ehtiva edir, lakin tərkibində demək olar ki, doymuş yağ yoxdur. Buna baxmayaraq, məhz xolesterin bir çox insanı onların sağlamlığa faydasına şübhə etməyə vadar edirdi.
Tədqiqat çərçivəsində alimlər xolesterinlə doymuş yağların orqanizmə təsirini ayrıca qiymətləndiriblər. Nəticələr göstərib ki, doymuş yağların orta səviyyədə qəbul edildiyi halda, yumurtalardan alınan yüksək xolesterin qanda “pis” xolesterinin səviyyəsini artırmır.
Yumurtalar xolesterin ehtiva etsə də, onun qanda xolesterin səviyyəsinə təsiri digər qidalardan qəbul edilən doymuş yağlarla müqayisədə xeyli azdır. Başqa sözlə, əsas problem yumurtaların özündə deyil, onların hazırlanma üsulunda və ümumi rasiondakı doymuş yağların miqdarındadır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
