Kuba 2023-cü ildə ən çox tələb olunan səyahət məkanı seçilib.
Lent.az xəbər verir ki, bu barədə “TripAdvisor” məlumat yayıb.
Reytinqdə ikinci və üçüncü yerləri Vyetnam və Mavrikiy ada dövlətləri tutub. Onların ardınca Kamboca və Tailand gəlir. Kayman adaları, Mərakeş, Azərbaycan və Nepal da ən yaxşı səyahət ölkələri kimi qeyd olunub. Ən populyar turizm ölkələri arasında 10-cu sırada Polşadır.
Qeyd olunur ki, reytinq dünyanın müxtəlif ölkələrindən olan səyahətçilərin “TripAdvisor” saytındakı milyonlarla şərhlər və rəylər əsasında tərtib edilib.