Smartfonun yavaşlamasının GİZLİ SƏBƏBLƏRİ

Smartfonun daha yavaş işləməyə başladığı vəziyyətlər var, buna görə də müəyyən addımları yerinə yetirmək daha çətinləşir. Mütəxəssislər deyirlər ki, cihaz bir sıra “gizli” səbəblərə görə nasazlığa başlaya bilər.

Lent.az xarici KİV-ə istinadən xəbər verir ki, mütəxəssislərin fikrincə, problem telefonun yeni versiyasında gizlənir.

Smartfonlar vaxtaşırı yenilənir və hər yeniləmə cihaza əlavə funksiyalar gətirir. Bunlar daha çox RAM və ya emal gücü kimi təkmilləşdirilmiş imkanlar tələb edir. Ola bilər ki, telefon birdən-birə bu imkanlardan kifayət qədər istifadə etməyi dayandırır, buna görə də daha yavaş işləməyə və donmağa başlayır.

Növbəti səbəb görünməz tətbiq yeniləmələridir. Bir çox proqramlar arxa planda yenilənə və telefonun gücünü aşağı sala, həmçinin cihazın işinə mənfi təsir göstərə bilər. Bu problemi minimuma endirmək üçün sadəcə “mağaza parametrləri”nə keçin və “avtomatik yeniləmə” funksiyasını söndürün.

Həmçinin, yaddaşın az olması səbəbindən smartfon yavaşlaya bilər. Yaddaş nə qədər dolu olsa, smartfon bir o qədər yavaş işləməyə başlayır, buna görə də ən azı 30-40 faiz boş yer qalmasını təmin etməlisiniz. Telefonunuzda lazımsız faylları və məlumatları saxlamamağa çalışın.