Evlərdə, xüsusilə pəncərə kənarlarında və otaqların künclərində görünən hörümçəklər bir çox insanı narahat edir. Onları uzaqlaşdırmaq üçün müxtəlif təbii üsullardan istifadə olunur.
Lent.az Türkiyənin “Posta” nəşrinə istinadən xəbər verir ki, pəncərə önünə qoyulan və üzərinə bir damcı efir yağı əlavə edilən vasitələrin hörümçəkləri uzaqlaşdırdığı iddia olunur.
Xüsusilə nanə kimi kəskin qoxulu efir yağları bu məqsədlə istifadə edilən vasitələr arasındadır.
Lakin belə üsulların hörümçəkləri etibarlı şəkildə uzaqlaşdırdığına dair elmi sübutlar məhduddur.
Mütəxəssislər hörümçəklərin evə daxil olmasının qarşısını almaq üçün pəncərə və qapılardakı boşluqları bağlamağı, torlardan istifadə etməyi və otaqların künclərini mütəmadi təmizləməyi tövsiyə edirlər.