Onların sevgi hekayəsi sübut edir ki, əgər tale cütlüyü birlikdə istəsə, 15 ildən sonra da onları bir araya gətirəcək!
Lent.az-ın xarici mediaya istinadla xəbərinə görə, Roşin və Tayler qeyri-adi şəraitdə tanış olublar: qız 13 yaşında evdən qaçıb, çünki atası kobud davranıb (onu döyür və lentlə bağlayırdı).
Polis yeniyetmənin tapılması üçün əməliyyat-axtarış tədbirlərinə başlayıb. Tayler işçi qrupunun heyətində olub. 15 il keçib və Roşin, təsadüfən Taylerin hələ də işlədiyi şöbədə işə başlayıb. Onlar bir-birlərini tanımayıbılar, lakin Tayler ilk baxışdan onun ürəyini oğurladığını etiraf edib.
Roşin təbəssümlə xatırlayır: "O, mənə baxmağa davam etdi, amma sözün əsl mənasında bir söz demədi".
Tayler Roşinin həqiqətən gözəl qadın olduğuna görə çox əsəbi olduğunu izah edib. Tezliklə dost olublar və müxtəlif şəxsi mövzuları müzakirə etməyə başlayıblar. Və sonra bir gün Roşin uşaqlıq travmasını paylaşıb.
“Biz tarixləri müqayisə etməyə başladıq, sonra o, ərazini təsvir etdi. O zaman düşündüm ki, tamam, mən bunun bir hissəsi idim. Dəli oldum ki, o vaxtlar mən səni axtarırdım, indi də burada oturub söhbət edirik”, - Tayler deyib.
Cütlük 2026-cı ildə ailə qurmağı planlaşdırır. Onların artıq beş aylıq bir oğlu var. Onlar öz heyrətamiz hekayələrini “TikTok”da paylaşıblar. Video viral olub və beş milyondan çox baxış toplayıb. İstifadəçilər heyran qalıblar və çoxsaylı xoş şərhlər buraxıblar. Cütlük videonu "Əl sıxma - tanışlıq" trendi üçün lentə alıb və bunun altında "İtkin düşəndə məni axtaran zabit" yazıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
