Bu şəkil səfirin sonu oldu

Estoniya mətbuatı Belorusdakı Estoniya səfiri Harri Lahteinin gecə qadınlarla əylənərkən çəkilmiş fotolarını yayımlayıb.

Lent.az-ın Estoniya mətbuatına istinadən verdiyi məlumata görə, qalmaqal Estoniya mətbuatına göndərilən imzasız bir məktubla üzə çıxıb. Minskdə yaşayan 20 yaşlı bir qadın məktubunda 1 il əvvəl eston səfirlə tanış olduğunu və onun cinsi təcavüzünə məruz qaldığını iddia edib. Qadın bunun qarşılığında səfirdən dostları üçün Şengen vizası aldığını bildirib.

Həmin qadın Harri Lahteinin gecə qadınlarla əylənərkən çəkilmiş 16 şəklini də qəzetlərə yollayıb. Ölkədə böyük olay yaradan qalmaqalın ardından Harri Lahteinin təcavüzünə uğradığını söyləyən 4 qadın da ortaya çıxıb. Estoniya Xarici İşlər Naziri olayın böyüdüyünü nəzərə alaraq səfirlə bağlı araşdırmaya başlanıldığını açıqlayıb. Subay olan Harri Lahtein isə istefa vermək məcburiyyətində qalıb.