Moldovada referendum baş tutmadı

Seçicilərin qeyri-aktiv olması nəticəsində bazar günü Moldovada Konstitusiya islahatları ilə bağlı keçirilən referendum baş tutmayıb.

Lent.az-ın “Exo Moskvı” radiosuna istinadən verdiyi məlumata görə, ilkin nəticələri açıqlayan Mərkəzi Seçki Komissiyası səsvermədə 30,98 faiz seçicinin iştirak etdiyi barədə məlumat yayıb.

Referendumun baş tutması üçün isə 33,33 faiz seçicinin səsvermə məntəqələrinə gəlməsi lazımdır. Konstitusiya islahatları isə prezident seçkiləri ilə bağlı olub. Seçicilərə prezident seçkilərinin birbaşa keçirilməsinə qayıdışa tərəfdar olub-olmadıqları barədə sual ünvanlanıb. Mövcud qanunvericiliyə görə, Moldovada prezidenti parlament seçir.

Moldova parlamentinin spikeri Mixay Qimpu isə deyil ki, Mərkəzi Seçki Komissiyası referendumun baş tutmadığını əks etdirən rəsmi nəticələri açıqlayandan sonra parlament buraxılmalıdır.