Fələstin rəsmisi Əhmədinijata «fırıldaqçı» dedi

Ötən gün Fələstin sədri Mahmud Abbas Liviyada rəsmi səfərdə olub. Onun yaxın ətrafı İran prezidenti Mahmud Əhmədinijatı kəskin tənqid edib.

Qeyd edək ki, İslam Respublikasının hökumət başçısı Əhmədinijat «Qüds günü» mərasimində Fələstin Muxtariyyatının lideri Mahmud Abbas hakimiyyətinin «legitim olmadığını» və onu Fələstin xalqının maraqlarını «satdığını», muxtar ərazidə «müstəqil referendumun» keçirilməsini söyləmişdi.

Fələstin Muxtariyyatının təmsilçisi Nabil Əbu Rudeyn deyib ki, İsraillə danışıqlara bərpa etdiyinə görə, Əhmədinijatın onların tənqid etməyə «haqqı yoxdur». Onun sözlərinə görə, İran prezidenti «İran xalqı adından danışmaq haqqına da malik deyil». O, Əhmədinijatı 2009-cu ilin yayında İran keçirilmiş prezident seçkisində törədilən çox saylı qanun pozuntusuna, siyasi kampaniyanın rəsmi nəticələrini saxtalaşdırıldığına görə tənqid edib: «Əhmədinijat seçkinin nəticələrini saxtalaşdıraraq, fırıldaq yolu ilə hakimiyyətə gəlib. Belə bir adamın Fələstin haqqında danışmaq haqqı yoxdur».

«Qüds günü»nə həsr olunmuş tədbirdə çıxışı zamanı Fələstinlə İsrail arasındakı birbaşa danışıqların uğur qazanacağına inanmır. Onun sözlərinə görə, «düşmənlə danışıq deyil», münaqişənin yeganə həll yolu müqavimətdir.

Yeri gəlmişkən, ABŞ Dövlət Depatamenti təmsilçisinin məlumatına görə, İsrailin baş naziri Benyamin Netanyahu və Fələstin Muxtariyyatının sədri Mahmud Abbas sentyabrın 14-də Misirin Şarm Əş–Şeyx şəhərində, bir gün sonra Qüdsdə görüşəcək.

Sədrəddin Soltan