“İnterpol”un baş katibi şoka düşüb

“İnterpol”un baş katibi Ronald K.Noble də “Facebook” sosial şəbəkəsində kibercinayətkarların qurbanı olub.

Lent.az-ın “Reuters” agentliyinə istinadən verdiyi məlumata görə, kibercinayətkarlar “İnterpol” baş katibinin profilindən istifadə edərək sosial şəbəkədə iki saxta səhifə açıblar və “İnterpol” bunu yalnız az əvvəl üzə çıxarıb.

Kibercinayətkalar bu saxta səhifələr vasitəsi ilə təhlükəli cinayətlərə görə axtarılan şəxslərlə bağlı məlumat toplayırlarmış. Honqkonqda keçirilən İnterpol Təhlükəsizlik Konfransında çıxış edən Ronald K. Noble deyib ki, o, şoka düşüb. “İnterpol”un baş katibi bildirib ki, beynəlxalq polis təşkilatı son dövrlər 29 ölkəni əhatə edən “Infra Red” adlı əməliyyat keçirib və məqsəd internet vasitəsilə cinayətkarları tapmaq olub: “130 cinayətkarı yaxaladıq. Ancaq iki cinayətkar qrupun da bu yolla informasiya əldə etmək üçün səy göstərdiyi məlum oldu. Kibercinayətkarlıq artıq ciddi təhdid kimi ortaya çıxmaqdadır. Bu, bəlkə də indiyə qədər qarşılaşdığımız ən böyük təhdidlərdən biridir”.