Ay sadəcə bir peyk deyil. O, okeanları idarə edir, iqlimi formalaşdırır və Yer üzündəki həyatı müəyyən edir.
Lent.az xarici mediaya istinadən xəbər verir ki, alimlər Ayın okeanlara və onun ətrafındakı bütün canlılara təsir etdiyini bildirirlər. Ay suyu özünə çəkərək okeanlarda müntəzəm qabarma və çəkilmələri yaradır. Günəş də suyun hərəkətinə təsir edir, lakin ayla müqayisədə cəmi 40% gücə malikdir. Okeanların hərəkətini müəyyən edən və onların içindəki həyatın formalaşmasına səbəb olan əsas qüvvə məhz Aydan gəlir. Əgər okean suları hərəkət etməsəydi, mərcan rifləri və suyun hərəkəti ilə qidalanan, yerindən tərpənməyən bir çox molyusk növləri yaranmazdı. Nəticədə bütün dəniz ekosistemi tamamilə başqa cür olardı.
Niyə Ay Yer üçün bu qədər vacibdir?
Ay uzaqda, bizdən təxminən 385 min kilometr məsafədə yerləşir. Lakin onun Yerdəki təsiri digər bütün səma cisimlərindən daha güclüdür. Ay sayəsində:
adi qabarma və çəkilmələr formalaşır;
okean dibi və sahillərin relyefi hazırda gördüyümüz şəkildədir;
çoxsaylı dəniz heyvanı növləri meydana çıxıb və sağ qala bilib;
sutkanın uzunluğu sabit qalır — 24 saat;
Yer oxunun mövqeyi stabil qalır, buna görə də iqlim kəskin dəyişikliklərə məruz qalmır.
Əgər Ay olmasaydı, planetimiz daha xaotik olardı: günlər ya daha qısa, ya daha uzun olardı, iqlim kəskin dəyişərdi, okeanlar və dəniz həyatı tam başqa görünərdi.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
