Oktyabrın 12-dən Rusiya Cinayət Məcəlləsində “Qırmızı Kitab”a düşmüş göbələk eləcə də bitki növlərinin məhvinə və zədələnməsinə qarşı mübarizəni nəzərdə tutan yeni maddəsi qüvvəyə minəcək.
Lent.az yerli mediaya istinadla xəbər verir ki, vəkil Tatevik Çuquryan bu cür göbələklərin toplanmasına görə 9 ilə qədər həbs cəzası ola biləcəyi barədə xəbərdarlıq edib. Bununla belə, o qeyd edib ki, bu tədbir çox güman adi göbələk toplayanlara şamil edilməyəcək.
2023-cü ilin aprelində Rusiya prezidenti Vladimir Putin Cinayət Məcəlləsinə müvafiq dəyişiklikləri təsdiqləyib. Yeni qanuna əsasən, “Qırmızı Kitab”a daxil edilmiş bitki və göbələkləri qəsdən məhv etmə, zədələmə, qanunsuz çıxarma, toplama, əldə etmə, saxlama, daşıma, göndərmə yaxud satma 9 ilədək müddətə azadlıqdan məhrum etmə ilə cəzalandırılacaq.
Çuquryan xatırladıb ki, bu cür hərəkətlərə görə məsuliyyət İnzibati Xətalar Məcəlləsində də nəzərdə tutulub. Cinayətin təsnifatı ətraf mühitə dəymiş zərərin dərəcəsindən, təqsirkarlığın və ictimai təhlükənin dərəcəsindən asılı olacaq. Bununla belə, vəkilin fikrincə, göbələk toplayanlara qarşı cinayət məsuliyyətinin tətbiq olunması ehtimalı azdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
