76 yaşlı kişi yol qəzasında öldü-YENİLƏNİB

76 yaşlı piyadanın öldüyü qəzada sürücünün şəxsiyyəti məlum olub.

APA-nın Cənub bürosunun məlumatına görə, Lənkəran şəhər sakini Sakin Məmməd oğlu Məmmədzadə idarə etdiyi "Mercedes" markalı minik maşını ilə şəhərin Zərifə Əliyeva küçəsində hərəkətdə olarkən, piyada 1947-ci il təvəllüdlü İslahat Allahverdi oğlu Quliyevi vurub. Aparılan reanimasyon tədbirlərə baxmayaraq xəstənin həyatını xilas etmək mümkün olmayıb. Sürücü hadisədən sonra saxlanılıb.
Faktla bağlı Lənkəran Şəhər Rayon Polis Şöbəsində araşdırma aparılır.

***

21.48

Lənkəranda piyadanın ölümü ilə nəticələnən yol-nəqliyyat hadisəsi baş verib.

Lent.az-ın APA-ya istinadla verdiyi məlumata görə, hadisə Lənkəran şəhərinin Zərifə Əliyeva küçəsində qeydə alınıb.

Minik avtomobili Lənkəran şəhər sakini 1947-ci il təvəllüdlü İslahat Allahverdi oğlu Quliyevi vurub. Yaralı təcili tibbi yardım avtomobili ilə Lənkəran rayon mərkəzi xəstəxanasına çatdırılıb. İlkin tibbi yardımdan sonra İ.Quliyev reanimasiya şöbəsinə yerləşdirilib. Həkimlərin səylərinə baxmayaraq, 76 yaşlı kişinin həyatını xilas etmək mümkün olmayıb.

Meyit daxili və xarici müayinə üçün Məhkəmə Tibbi Ekspertiza və Patoloji Anatomiya birliyinin Lənkəran rayon şöbəsinə təhvil verilib.

Faktla bağlı araşdırma aparılır.