Ağdamda yük maşını minaya düşdü - YENİLƏNİB

Ağdam rayonunun əvvəllər işğal olunmamış Ayaq Qərvənd kəndi ərazisindən keçən Xaçın çayının hövzəsində mina hadisəsi baş verib.

Baş Prokurorluq, Daxili İşlər Nazirliyi və Minatəmizləmə Agentliyinin mətbuat xidmətlərindən Lent.az-a daxil olan birgə məlumatda deyilir ki, Ağdam rayonunun Quzanlı kənd sakini 60 yaşlı Məmmədov Fayiq Ərşad oğlu idarə etdiyi "Howo" markalı yük avtomobili ilə hərəkətdə olarkən sel sularının gətirməsi ehtimal olunan piyada əleyhinə minaya düşüb. Partlayış zamanı həmin avtomobilin sol arxa çarx hissəsi zədələnib, hadisə nəticəsində xəsarət alan olmayıb.

Faktla bağlı Ağdam rayon prokurorluğunda araşdırma aparılır.

***
11:32

Ağdamda yük maşını minaya düşüb.

Lent.az xəbər verir ki, hadisə rayonun işğaldan azad edilmiş Baş Qərvənd kəndi ərazisində qeydə alınıb.

Mina partlaması nəticəsində ərazidə işləyən "Howo" markalı yük maşınına ziyan dəyib.

Xəsarət alan olmadığı bildirilir./APA