Göygöldə yol-nəqliyyat hadisəsi baş verib.
Lent.az-ın məlumatına görə, hadisə Bakı-Qazax magistral yolunun rayonun Hacıməlik kəsəbəsindən keçən hissəsində qeydə alınıb.
1978-ci il təvəllüdlü Qasımov Qubat idarə etdiyi "KHAZAR" markalı maşınla hərəkətdə olan zaman idarəetməni itirib. Nəticədə avtomobil yoldan çıxaraq aşıb. Qəza zamanı sürücü ağır xəsarət alaraq xəstəxanaya yerləşdirilib, vəziyyətinin kafi olduğu bildirilir.
Qeyd edək ki polis mayoru Qubat Qasimov Gəncə şəhər Baş Polis idarəsinin 1-ci polis şöbəsinin əməkdaşıdır. O xidməti avtomobili ilə qəzaya düşüb. İlkin etimala görə qəzaya avtomobilin təkərinin partıaması səbəb olub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
