Fövqəladə Hallar Nazirliyinin “112” qaynar telefon xəttinə Sumqayıt şəhəri, 10-cu mikrorayon ərazisində mənzildə partlayış baş verməsi barədə məlumat daxil olub.
Lent.az xəbər verir ki, məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Hadisə yerində əməliyyat şəraitinin qiymətləndirilməsi zamanı doqquzmərtəbəli yaşayış binasının 1-ci mərtəbəsində yerləşən ümumi sahəsi 47m² olan ikiotaqlı mənzildə, ilkin ehtimala görə, təmir işləri aparılan zaman təhlükəsizlik qaydalarının pozulması nəticəsində partlayışın baş verdiyi müəyyən olunub.
Hadisə nəticəsində mənzilin bir otağının döşəməsi qismən yanıb, partlayış dalğasının təsirindən 1 otağın pəncərə çərçivəsi yerindən çıxıb, mənzilə ziyan dəyib. Hadisə zamanı mənzilin sahibi 45 yaşlı Əliyev Vitalik Qalyeviç və 41 yaşlı Əliyeva Səbinə Talıb qızı müxtəlif dərəcəli xəsarətlər alıb.
FHN əməkdaşlar ərazidə müvafiq təhlükəsizlik tədbirləri görüb.
Hadisə ilə əlaqədar aidiyyəti qurumlar tərəfindən araşdırma aparılır.
***
22.01
Partlayış nəticəsində ərlə arvad xəsarət alıb.
Lent.az xəbər verir ki, hadisə Sumqayıt şəhəri 10-cu mikrorayon, bina 27, mənzil 54 ünvanında baş verib.
İlkin məlumata görə, onlar təzə dolqu vurulmuş təmir gedən evə daxil olaraq işığı yandırdıqda partlayış baş verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
