Güneyli məhbuslara ailələri ilə görüş yasaqlanıb

Ayət (Yürüş) Mehrəlibəyli, Mahmud Fəzli, Şəhram Radmehr və Lətif Həsəni artıq öz ailələri ilə görüşə bilməyəcək.

Təbrizin mərkəzi zindanının narkomanlar və narkotik maddələrin qaçaqmalçılığında ittiham olunanların bölümündə saxlanılan milli-mədəni fəalların görüşünə martın 8-də qadağa qoyulub.

Zindan məsulları görüş qadağasını bunu elan etdikdən sonra onları hədələyərək, deyib ki, ailələri və vəkilləri bu məsələni çox qabartmasınlar: «Əks halda ziyanını özünüz görəcəksiniz».

Qeyd edək ki, adlarını çəkdiyimiz azərbaycanlı ictimai fəallar son aylarda «sistemin əleyhinə təbliğ» ittihamı ilə tutularaq, ETTELAAT idarəsində sorğu-suala edildikdən sonra bu şəhərin mərkəzi zindanına köçürülüblər.