Alimlər genişmiqyaslı bir tədqiqat apararaq insanların və itlərin DNT-sində oxşarlıqlar tapıblar.
Lent.az xarici mediaya istinadən xəbər verir ki, tədqiqatçılar itlərin davranışına təsir edən bəzi genləri insanlarda intellekt və depressiyaya meyllilik kimi xüsusiyyətlərlə əlaqələndiriblər. Onlar hesab edirlər ki, bu məlumatlar sahiblərə öz ev heyvanlarını daha yaxşı anlamağa, xüsusilə də onlar problemli davrananda onların psixoloji vəziyyətini dərk etməyə kömək edəcək.
Tədqiqat qrupu vurğulayıb ki, aşkar olunan genlər hər iki növün emosional vəziyyətinə və davranışına təsir göstərir. Məsələn, avtobuslardan və ya tozsoranlardan qorxan, “qeyri-sosial qorxu” yaşayan itlərdə tapılan gen insanlarda yüksək həssaslıq və narahatlıq səbəbi ilə tez-tez həkimə müraciət etmə ilə əlaqələndirilir. Eyni zamanda, bu cins itlərdə öyrənmə qabiliyyətinə cavabdeh gen insanlarda intellekt və emosional qəbul etmə xüsusiyyətləri ilə bağlıdır.
Daha sonra nəticələr insanlarla bağlı oxşar analizlə müqayisə edilib. Müəyyən olunub ki, qızıl retriverlərdəki 12 gen insanın davranış və emosional xüsusiyyətləri ilə də əlaqəlidir. Məsələn, PTPN1 geni itlərdə digər itlərə qarşı aqressiya ilə əlaqələndirilirdisə, insanlarda bu gen intellekt və depressiyaya meylliliklə bağlıdır. İtlərdə digər heyvanlardan qorxma ilə əlaqəli olan başqa bir gen isə insanlarda uzun müddət utancaqlıq hissini yaşamaq və ya akademik göstəricilərin səviyyəsi ilə əlaqələndirilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
