“Streymur” – “Qarabağ” matçının yeri, başlama saatı və baş hakimi açıqlanıb

“Qarabağ” klubunun futbol üzrə Avropa Liqasının II təsnifat mərhələsində Farer adalarının “Streymur” komandası ilə keçirəcəyi ilk oyunun yeri, başlama saatı və baş hakimi müəyyənləşib. Lent.az-ın məlumatına görə, iyulun 14-də baş tutacaq qarşılaşma Torshavn şəhərindəki “Qundadalur” stadionunda oynanılacaq.

Matçın start fiti Bakı vaxtı ilə saat 23:00-da veriləcək. Oyunu uelsli referi Mark Stiven Uitbi idarə edəcək.

Qeyd edək ki, cavab görüşü iyulun 21-də Bakıdakı Tofiq Bəhramov adına Respublika stadionunda keçiriləcək. Matç Bakı vaxtı ilə saat 21:00-da başlanacaq.